Labe, 10 6ɓuru (Infosbruts.com) – Ko welo-welo mawngo jon duɗal Qur’ana Hoore Saala wonndi hannde, kanko e yimɓe hoɗuɓe Hoore Saala. Talibaajo makko kun cukalun wieteekun Abdullay Balde, majjunooɗo balɗe buy, yiitaama e jam e kisal ka luumo Daka, e nder falnde Labe.
No hunpitoraa non, kun cukalun hari no ka luumo Daka. Gila ngol ewol majjugol makko anndinaa, siɓɓe e yiɓɓe fowtaakiɗaɓɓitugol
Kun paykun ko yitaakon artirii welo-welo ka ɓeynguure makko e ka karamoko makko, ustase Madaani Balde, wonndunooɗo e annde tiiɗunde. Anndaaki tawo ko honɗun pottini kun paykun ka duɗal. Kono ko ɓuri hittude kon ko anndugol o yiitaama himo wonndi e cellal moƴƴal.
Ndee rawnoode moƴƴere darnii balɗe buy annde nde yinɓe paykun kun wondunoo. Karamoko makko weltanike kala neɗɗo wallitiiɗo, woɗɗi maa ɓadii, e ɗaɓɓitugol e saakitugol ngol ewol majjugol kun cukalun gorun.
Ndeen kadi, ko jamma on wallindiri ɗaɓɓitugol kun paykun hollitii nafoore jokkere enɗan toolodal e nder hiwugol cellal e kisal sukaaɓe.
Ko Idiriisa Sanpirin Jallo winndi, wonande InfosBruts.com.






