Gine, 17 2ɓuru (IBC) – Ɓee yeesooɓe dawla ɗiɗo halfinaaɓe jawle leydi ndin e ka giiteeli ndayginirɗi e gollirɗi iwataɗon hawtitii waɗii batte sookeeje maɓɓe e kaydi kaɓe holliti wonndema ko laamungun fawtaninoo jamaaji ɗin coggeeli huutorgol yiite EDG ngen lannii.
Ɓe anndintini wonndema ko fewndo tawuno ko yo mo kala wakkilor ka hikkori fii tannbagol jamaa leydi ndin battane ndee nawnaare adunayankoore wieteende koronaawiris, halfinaaɗo on banŋe ɗon ka dawla holli anniye surtinanngol jamaa on ko fewti kuuran on.
Waa non ko haapanookon tinmii, laamungun yamirii yeesooɓeɓen ka kuuranji yo immo kissan fii ɲinnugol oo sariya keso. Ko ɗun holli jooni ko yo jamaa on fuɗɗito yoɓanngol hoore mun kuuran on. Ndan puccu, ndan hollaande.
IBC/17/2ɓuru/2021 AD/ISD
