Leluma, 12 7ɓuru (IBC) – Hooreejo diiwaan Korbe-Centre, hono Mammadu Habib Jallo, hollitii e jaaynde maa ñalnde kala infosbruts.com jooɗiinde to leydi Gine hakkundeejo wonde suka debbo jahroowo e duuɓi 9 bayyinoowo wonde joom duɗal mum Qur’aana ina ƴattoo ɗum heddii ko ina hewtaaka.
E wiyde yeewtidiiɗo men oo, suka debbo oo adii ƴeewteede ko e nokku cellal Korbé ɗo golloowo cellal oo holliti wonde o taskaaki hay batte e dow tuumaaɗo oo no hawraa e mun.
Ko noon kadi, ina wiyee ko to nokku cellal mawngal Lélouma, ciimtol mum ina jeyaa kadi e dosiye ñaawoore.
Tesko-ɗen wonde tuumaaɗo oo, hono Modi Amadou, ina heddii haa jooni e kasoo (détention préventive) to Lélouma ɗo o woni e ɗaminaade ngam anndude ko jogori arde e balɗe garooje ɗee. Mbele o nawtetee ko to Ñaawirde Toownde Labé ngam etaade ƴattaade ? Hakkilantaagal no feewi mo waawi jaabaade ɗuum jooni.
Hay so joom Qur’aana meemaali oo suka debbo wonɗo e haala oo, huunde nde wonaa ko haani waɗi hakkunde oo suka debbo e imaam oo. Sabu mbaydi ɓurndi yaajunde ndin no hollita wonde nde suka debbo oo fuɗɗii waɗde julde mum geeƴe, jaagorgal Quraan oo yaltini almuɓɓe woɗɓe ɓee fof. Ndeen o heddii tan ko e cukalel ngel e nder suudu janngirdu Quraan. Ko e oon sahaa ko ñiŋanoo koo waɗi.
Yanti heen, hooreejo diiwaan Korbé-Centre, hono Mammadu Habib Jallo, ina jogii miijo wonde ñaawoowo jam Lélouma humpitaama e ndeeɗoo yeewtere waɗnde jemma alati hay ko adii ardiiɓe nokku oo.
Ko jokkude !
Idiriisa Sanpirin JALLO
Ardiiɗo bayyinaango infosbruts.com
Jokkondiral: (00224) 622 269 551 e 657 269 551 e 664 46 71 71
